Pabor ang Katunga ukon 50% sang Filipino adult population nga himuon nga legal sa Pilipinas ang diborsyo para sa mga mag-asawa nga “irreconcilably separated” base sa resulta sang First Quarter 2024 Social Weather Report.
Nagapati ang mg aini nga ang mga mag-asawa nga nagabulagay kag indi na maayo ang pag-updanay rason nga dapat nga pahanugutan nga mag-divorce para legal nga makapakasal liwat.
Nagnubo ang nagpabor sa pagkalegal sang diborsyo gikan sa 65% nga napagkit sang Marso sang nagligad nga tuig.
Sa pareho nga survey, yara sa 31% sang mga Pilipino nga adults ang indi pabor sa diborsyo samtang 17% naman ang undecided sa isyu.
Mataas naman ang numero sang mga pabor sa diborsyo sa mga indibidwal nga mag-live-in partners kumparar sa mga wala pa ginkasal, nabalo, nagbulagay nga mag-asawa kag mga ginkasal na.
Kun diin ang pinakamataas sa Metro Manila, ginsundan sang Balance Luzon ukon guwa sang Metro Manila, Visayas kag Mindanao.
