KORONADAL CITY- Nag lab ot na sa 700 ka mga fish cages nga ginapanig iyahan sang 40 ka mga fish cage operators ang apektado sang ‘kamahong’ o fish kill sa banwa sa banwa sang Lake Sebu, South Cotabato nga natabo sang tinalikdan nga semana.
Ini ang ginpahayag ni Mr. Jose Rudy Muyco- lake warden sa lake sebu sa interbyu sang Bombo Radyo Koronadal.
Suno sa iya, yara sa 50 tons o 50,000 kilo ka tilapia ang napatay nga may kabug usan nga balor nga P6 million.
Lakip sa mga apektado sang kamahong ang Barangay Poblacion, Takunel kag Bacdulong.
Pila sa mga operators ang gilayon nga naghimo na sang emergency harvest agud nga masalbar lamang ang nabilin pa nga tilapia nga pwede pa nga mabaligya.
Apang bangud sa damo sang supply, yara sa P90 per kilo na lamang ang presyo sini halin sa sa anay nga P 120 tubtub P 140 kada kilo.
Gindugang pa ni Muyco nga ang nagluntad nga kamahong ang bangud sa pabag o bag o nga dalagan sang panahon kag pagnubo sang dissolve oxygen sa pond.
Nahibaluan nga sa karon giandiskusyunan pa kung may yara sang mabaton nga insintives ang mga apektado nga fish cage operators.
