KORONADAL CITY- Nakabalik na sang luwas ang 50 ka mga pamilya nga nagbakwit sa Brgy. Mangadeg Datu Paglas Maguindanao matapos ang engwentro sang militar sa Bangsamoro Islamic Freedom Fighters (BIFF).
Sa ekslusibo nga interbyu sang Bombo Radyo Koronadal kay 33rd Infantry Makabayan Battalion commanding officer Lt. Col. Harold Cabunoc nakigbulig sa ila ang Moro Islamic Liberation Front agud masecure ang tagsa ka mga barangay nga apektado sang ginpatigayon nga operasyon batuk sa bandido nga grupo.
Dugang pa nga hugot man ang ang suporta sang MILF bangud kadamuan man sang mga apektado nga pamilya nga nagbakwit ang mga himata man sang pila ka myembro sang MILF.
Sa subong padayon nga monitoring sang militar ilabi na sa grupo ni kumander Tudon nga lider sang grupo sang BIFF nga nakaengkwentro sang 33rd IB sa Datu Paglas, Maguindanao.
