KORONADAL CITY- Nagresulta sa shootout ang pagresponder sang isa ka SWAT member sa nagluntad nga shooting incident sa Quezon Boulevard sa syudad sang Kidapawan.
Sa impormasyon nga ginpalab-ot sa Bombo Radyo Koronadal, nagresponder sa nagluntad nga pagpangluthang ang SWAT member nga si PO3 Eric Yamuta, 36 anyos nga residente sang Kanapia Subdivision sa nasambit nga syudad.
Nahibaluan nga ang mga suspek amuh sanday Ray Mateo Dimaano, 36 anyos anay drug surenderee, David Tulabing Adolfo, 19 anyos, Mario Pagaduan Dela Cruz, 38 anyos na kilala suno pa nga nagaduso sang iligal nga droga kag lunsay mga residente sang Brgy. Sudapin, Kidapawan City kun sa diin target sang mga ini ang isa ka Alvin Taran 32 anyos nga isa ka chainsaw operator samtang naga inom ang mga ini sa isa ka balut stand sa nasambit nga lugar.
Suno sa imbestigasyon, nagalibot suno pa si PO3 Yamuta sang may nagreport sa iya nga may yara ang pagpangluthang sa lugar kun sa diin ang nagresponder ini nakig baslanay man sang lupok ang mga suspek kag naluthang sa ulo si PO3 Yamuta samtang pilason naman ang 3 ka mga suspek lakip na ang target sang mga ini.
Sa subong yara sa kritikal ng kondisyon si PO3 Yamuta samtang patay ang 1 sa mga suspek kag nagapaayo naman ang iban pa nga may kaangtanan sa nasambit nga shootout.
