KORONADAL CITY- Ginapaidalom na sa imbestigasyon ang panibag-o nga 5 ka myembro sang New People’s Army nga nagsungka sa militar sa probinsya sang Sultan Kudarat.
Nahibaluan nga ang nasambit nga mga NPA members ang nagsungka sa 33rd Infantry Batallion, Philippine Army sa pagpamuno ni Lt. Col. Harold Cabunoc ang commanding officer.
Suno kay Lt. Col. Harold Cabunoc, ang mga rebelde ang myembro sang Platoon Myphone sang Guerilla Front 73 sa idalum ni “ka Macmac”.
Ginkilala ang mga nagsungka nga sanday Misuari Digan, 18 anyos, Ome Digan, 48 anyos, Adot Digan, 30 anyos, Siale Digan 16 anyos kag Eson Digan 25 anyos.
Nahibaluan nga ang child warrior nga si Siale ang ginrecruit sang nagligad nga 2015.
Samtang ginsungka naman sang mga rebelde ang ila mga armas nga ginalakipan sang Cal. 30 M1 Garand, Cal 30 M2 Carbine, 40mm kag M79 Grenade Launcher.
Suno naman sa mga nagsungka nga rebelde, nagupod sila sa NPA bangud ginpromisahan sila nga buligan nga mabawi ang ila nga ancestral lands apang wala sang natabo.
Kaangot sini, ginpresentar naman sila sa Provincial Government sang Sultan Kudarat kag ginapreparar na ang benepisyo nga ihatag sang lokal nga gobyerno.
