KORONADAL CITY- Lima ka mga miyembro sang New People’s Army sa idalom sang Front 72, Front 73 at Front 75 sang Far South Minadanao Region ang nasungka sa mga otoridad kag mga kapulisan sa South Cotabato sa pihak sang nagapadayon nga nga Comprehensive Information Operation in Relation to E.O 70 series of 2018 o ELCAC nga ginahiwat sang mga otoridad.
Ini ang kumpirmasyon ni PCapt. Rene Bobon , Deputy Chief of Police sang Tampakan PNP sa interbyu sang Bombo Radyo Koronadal.
Suno sa opisyal, ang mga nagsungka ang ginkilala sanday “Markis”, 43 anyos, magsasaka, residente sang Columbio, Sultan Kudarat; alyas “Roda/Saicy” , 39 anyos, soltero residente sang Matanao, Davao Del Sur; alyas “Ismael” 32 anyos, may asawa, kag alyas “RR”, 41 anyos, may asawa, lunsay mga residente sang Columbio, Sultan Kudarat kag isa ka alyas “Jetje“/Ping”, 31 anyos, may asawa, residente naman sang siyudad sang Koronadal.
Dala sa ila nga pagsurrender ang isa ka unit sang kalibre 30 carbine, magazine kag isa ka bala; isa ka unit sang kalibre 38 kag isa ka bala nga lakip ang isa ka granada.
Sa karon yara nasa sa 1205th Maniuver Company, Regional Mobile Force Batallion 12 ang lima ka mga nagsurrender.
