-- ADVERTISEMENT --

KORONADAL CITY – Yara na sa kustodiya sang mga otoridad ang lima ka drug suspek matapos nga naarestar sa ginpatigayon nga operasyon sang PDEA kag Isulan PNP sa Prk. Gregorio Brgy. Kalawag 3, Isulan Sultan Kuradat.
Sandig sa report sang Isulan PNP, nadakpan ang mga suspek sa ginpatigayon nga drug buy-bust operation sang gintingob nga pwersa sang mga otoridad.
Ginkilala ang mga suspek nga sanday Noraida Sabang, Namraida Sengkong Mama, Aisa Nasser baldido, Abdul Zainudin at Anwar Kasim Macapending yara sa legal nga pang edaron kag lunsay residente sang Cotabato City.
Base naman sa inisyal nga imbestigasyon sang kapulisan naghalin sa Cotabato City ang mga suspek sakay sa isa ka UV Express Van kag padulong sa Tacurong City sang ginbalabangan sang mga otoridad.
Narekober naman sa posisyon sang mga suspek ang big sachet sang ginapatihan nga shabu nga may balor nga masobra sa P1.2Million, mark money nga yara sa P150,000 kag tatlo ka celphone.
Sa subong ginapreparar na ang kaso nga ipasaka batok sa mga suspek.