KORONADAL CITY – Ginpaidalom na sa state of calamity ang 5 ka banwa sa probinsya sang North Cotabato bangud sa nabatyagan nga tuman ka init nga paniempo tuga sang El Nino phenomenon.
Suno kay PDRRMC Warning kag Action Officer Engineer Arnulfo Villaruz, ang nasambit nga mga banwa ang ginalakipan sang Alamada, Aleosan, Mlang, Tulunan kag Pikit sa probinsya sang North Cotabato.
Sa monitoring suno pa sang Pag-asa nalakip ang Region 12 sa low amount of rainfall kag halos tanan suno pa sa mga kabanwahanan ang apektado na sang tuman ka init.
Madamo naman sa mga mamumugon ang tuman nga naapektuhan ilabi ang ila tagsa-tagsa ka pananom.
Kaangot sini, ginpasiguro naman ni Villaruz nga nagsimula na sila nga magpanagtag sang ayuda ukon bulig sa mga banwa nga tuman nga naapektuhan sang tig-ilinit.
