KORONADAL CITY – Naglab-ot sa lima ka mga barangay sa banwa sang Norala, South Cotabato ang nangin apektado sang malapnagon nga pagbaha.
Ini ang ginkumpirmar ni Norala Mayor Clemente Fedoc sa interbyu sang Bombo Radyo Koronadal.
Suno kay Mayor Fedoc, nagapadayon ang pagresponder sang mga katapo sang MDRRMO sa mga apektado nga pamilya. Nagbulig naman ang MDRRMO sang Surallah kag Sto. Niño sa pagchekyar sa mga apektado sang baha kag pagpangita sa duha nga na-missing.//Dugang pa sang alkalde, padayon man nga ginapangita ang mag-amay nga nadula matapos nga gin-anod sang baha sa Barangay San Miguel. Ginkilala ang mag-amay nga sanday Prudencio Moreno, 55-anyos kag Divine Grace Moreno, 14 anyos nga mga residente sang Brgy. Puti sa nasambit nga banwa.
Aminado ang nasambit nga opisyal nga kahapon nga adlaw wala man sang senyales nga mag bubo ang mabaskong ulan apang pag abot sa kagab-ihon nagbuhos ini.
Sa subong padayon ang damage assessment sa mga apektado ng puluy-an, kasapatan kag mga pananom.
