Patay ang 49 ka tawo sa Kuwait matapos nasunog ang isa ka edipisyo nga ginaistaran sang foreign workers.
Kadam-an naman sa mga napatay mga Indian national nga trabahador sa Al-Mangaf building .
Ginabasul ni Deputy Prime Minister SheikhFahad Yusuf Saud Al-Sabah ang insidente sa pagpatumbaya sang tag-iya sang nasambit nga edipisyo.
Suno sa report, sa nasambit nga numero sang napatay, 42 ang Indian nationals, kag ang mga nabilin ginkalakipan sang Pakistani, Filipino, Egyptian kag Nepali nationals.
Magluwas sa mga napatay, 50 naman ka tawo ang nabalhag nga napilsan kag padayon ginadapatan sang pagbulong sa ospital.
Sa karon padayon ang imbestigasyon sang mga otoridad agud matumod ang gintunaan sang kalayo kag mapanabat ang responsable sa nasambit nga insidente.
