TANTANGAN, SOUTH COTABATO – Yara na sa kustodiya sang kapulisan ang isa ka 49-anyos nga lalaki matapos nga makuhaan sang armas kag illegal nga droga sa sulod mismo sang puluy-an sini sa Brgy Bukay Pait, Tantangan, South Cotabato matapos sang gin-implementar nga Search Warrant.
Ginkilala ang nadakpan nga suspek nga si alyas “Rasay”, 49 anyos, may-asawa, kag residente sang nasambit nga lugar.
Suno sa Tantangan Municipal Police Station, ginpatigayon nila ang operasyon kaupod ang mga tinawo sang South Cotabato Police Drug Enforcement Unit, 1st South Cotabato Provincial Mobile Force Company kag 1205th RMFB 12 batuk sa suspek kun diin narekober sa sulod sang puluy-an sini ang 9 ka heat-sealed transparent plastic sachet sang shabbu, isa ka unit sang cal. 45 pistol nga may magazine kag 15 ka bala subong man mga drug paraphernalia.
Sa karon, natalana nga magapangatubang ang suspek sa kaso nga paglapas sa RA 10591 ukon Comprehensive Firearms and Ammunition Regulation Act kag kaso may kaangtanan sa iligal nga droga.
