Nagapadayon ang imbestigasyon sang mga kapulisan sa pagpamusil-patay sa isa ka mangunguma sa banwa sang Lambayong, Sultan Kudarat alas-7:40, Biyernes sang gab-i, Disyembre 6,2024.
Ginkilala ang biktima nga si Aldrin Ramollete Ablaneda, 46-anyos, may asawa, kag residente sang Purok 1, Barangay Kabulakan, Lambayong, Sultan Kudarat.
Sandig sa imbestigasyon sang Lambayong PNP, ginamaneho ni Ablaneda ang iya tricycle pauli sa ila panimalay sang ginluthag sang wala pa makilal-an ngna suspek.
Nag-angkon sang igo sa ulo ang biktima nga gintunaan sang gilayon nga kamatayon sini.
Sa karon, ginahibalo pa ang responsable sa pagpatay sa biktima kag ang motibo sa krimen.
Hustisya naman ang ginasinggitan sang pamilya sang biktima sa natabo nga pagpatay sa iya.
