Ginsungka ang 41 ka armas sang mga residente sang tatlo ka munisipyo sa Bangsamoro sa probinsya sang Cotabato sa Philippine Army bilang pagsuporta sa Mindanao peace process sang gobyerno.
Suno kay Major Gen. Donald Gumiran, commander sang 6th Infantry Division, nagdesisyon ang mga residente sang mga banwa sang Pahamuddin, Nabalawag, kag Kadayangan nga ipa-kustodiya ang ila mga armas sa 34th Infantry Battalion, nga ginpangunahan sang mga opisyal sang yunit kag ni Brig. Gen. Ricky Bunayog, commander sang 602nd Infantry Brigade.
Ang mga residente nagsugot nga isungka ang ila mga armas nga ginkalkipan sang M1 Garand, M14, Carbine rifles, mga machine pistols, bolt-action sniper rifles, B40 rocket, 40mm grenade launchers, .45 caliber pistols, kag .38 caliber revolvers bilang pagsuporta sa Small Arms and Light Weapons Management Program nga ginapatuman sang Central Mindanao sa tabang sang 6th ID kag ni Presidential Adviser on Peace, Reconciliation, and Unity Carlito Galvez, Jr.
Masobra 600 na ka armas ang nakolekta sang mga units sang 6th ID sa Central Mindanao nga ginsungka sang mga tag-iya halin sang pagsugod sang rehiyon sa SALW Management Program sang Hulyo 2024.
