KORONADAL CITY- Yara na sa kustodiya sang mga otoridad ang 41 ka mga iligal drug suspects makaligad nga magsungka sa gobyerno sa Sultan Sa Barongis, Maguindanao.
Ginpangunahan sang nagatindog nga drug leaders nga sandayTeddy Biang, 55-anyos kag Anwaruddin Biang, 46-anyos ang pagsungka kaupod ang iban pa nga kaupdanan sa Bulod Village sa nasambit nga banwa samtang nagapatigayon sang cluster meeting ang AFP, PNP, PDEA kag ang Local Government Unit sang banwa.
Suno kay Lt. Col Harold Cabunoc, Commanding Officer sang 33rd Infantry Batallion, 17 sa nasambit na numero sang mga suspek ang aminado nga mga drug traffickers samtang ang pila naman ang naga-usar sang druga.
Gilayon naman nga ginpresentar ni Lt Col. Cabunoc ang mga drug suspects kay Mayor Ramdatu Angas.
Samtang, ginkalipay naman ini sang mga otoridad bangud tigayon na nga nagdesisyon ang mga ini nga suportaran ang gobyerno.
