KORONADAL CITY – Kadungan sang nagahilapit nga Anibersaryo sang Mamasapano incident sa Enero 25, 2018 nagapreparar na ang pamilya Pabalinas sa South Cotabato sa komemorasyon sa death Anniversary ni Sr/Insp. Ryan Pabalinas nga isa sa mga napatay sa maduguon nga encounter sa Mamasapano, Maguindanao.
Sa interbyu sang Bombo Radyo Koronadal kay Ginang Nanette Pabalinas, tiya ni Sr/Insp. Pabalinas, ginpahayag sini nga kada tuig nakapadulong ang ila pamilya sa Zamboanga City kun sa diin yara ang nabilin nga pamilya sini.
Kaangot sini, nagpahayag sang kalipay si Ginang Pabalinas bangud sa pagpadayon sang Arraignment kay anay Pangulong Benigno Aquino III bangud naga-usad sa gihapon ang kaso.
Sa subong, wala suno pa sila sang mahimo sa baylo maghulat sang mangin final result sang kaso kag padayon nga magalaum nga sa ulihi nga justice will prevail.
Samtang may apela naman ini sa Duterte administration nga ang pagpakigbato nga ini ang indi suno pa nila pagpakigbato sa baylo ini ang laban sang gobyerno rason nga nagalaum sila sang 100% nga hustisya.
