Napreso ang isa ka 40-anyos nga lalaki nga ginakabig rank 3 Most Wanted Person Provincial Level matapos madakpan sa operasyon sang kapulisan sa Purok 10, Brgy. Sarayan, Matalam, Cotabato subong nga adlaw, Agosto 13, 2024.
Ginkilala ni Police Lieutenant Colonel Arniel C Melocotones, hepe sang Matalam Municipal Police Station, ang suspek nga si alyas “Ranie”, may asawa, mangunguma kag residente sang nasambit nga Barangay.
Gindakop si Ranie sang gintingob pwersa sang Matalam Municipal Police Station, Highway Patrol Group North Cotabato kag Cotabato Police Provincial Office – Provincial Intelligence Unit, base sa Warrant of Arrest para sa kaso nga 2 Counts of Rape nga wala sang nagakaigo nga piyansa.
Ang Cotabato PNP ang padayon nga nagapatigayon sang mga programa kag kampanya kontra kriminalidad agud magpadayon ang pagkab-ot sang isa ka malinong, maayo kag nagauswag nga pungsod.
