KORONADAL CITY – Yara na sa kustodiya sang mga otoridad ang isa ka misis nga nagaduso sang illegal nga droga sa ginpatigayon nga operasyon sa Asuncion Village, Brgy Cannery Site, Polomolok, South Cotabato.
Ginkilala ni Police Brigadier General Percival Augustus Placer, Regiol Director sang Police Regional Office 12 ang suspek nga si alyas “Lene”, 40 anyos, may asawa kag residente sang nasambit nga lugar.
Naaresto si alyas Lene sang gintingob nga pwersa sang mga opertiba sang Polomolok Municipal Police Station, SCPDEU, RSOG 12, RID 12 SCPIU, 1st kag 2nd SCPMFC kag RPDEU 12.
Nakuha sa posisyon sini ang 2 ka bilog nga plastic sachet sang ginapatihan nga shabu kag Php1,000.00 bill bilang buy-bust money.
Magapangatubang naman ini sang kaso nga paglapas sa seksyon 5 kag 11 sang Article II sang R.A 9165 ukon Comprehensive Dangerous Drugs Act of 2002.
Ginpasalig man sang kapulisan sa South Cotabato nga magapadayon ang ila nga kampanya batuk sa illegal nga droga.
