KORONADAL CITY – Yara na sa kustodiya sang mga otoridad ang apat sa lima ka mga suspetsado sa pagpanglugos sa isa ka 14-anyos nga bata nga babae sa siyudad sang Tacurong.
Kalakip sa apat nga suspek nga naarestar sang Tacurong PNP ang amay sang biktima samtang mga tiyo kag pakaisa naman ang iban sa ila.
Una diri, akig nga ginpakigbahin sang tiya sang biktima ang pagpanglugos ng ginhimo sang mga suspek sa hinablos sini matapos mabuyagyag sang naglayas ang 14-anyos.
Sa eksklusibo nga interbyu sang Bombo Radyo Koronadal kay Ginang Mary Joy Delos Reyes, luyag sini nga indi na makaguwa pa sa presuhan ang mga suspek.
Ini makaligad man nga nabuyagayg nga 10-anyos pa lamang ang biktima sang ginahilabtan na ini sang mga suspek tubtob sa subong nga 14-anyos na ini.
Nahibalyan nga indi na masarangan pa sang biktima ang ginahimo sa iya rason nga nagpanugid ini sa iya pakaisa.
Rason nga nagpangayo ang mga ini sang bulid sa Womens and Childrens Desk kag ginpatigayon ang pag-arestar sa mga suspek.
