KORONADAL CITY – Madinalag-on nga nagsungka kag nagbalik sa sabak sang gobyerno ang apat(4) communist terrorist groups sa mga katapo sang 5th Special Forces Battalion sa bahin sang Sitio Lamsiman, Sinolon, Tboli, kag sa Sitio Lamtabong Odi, Lambingi, sa banwa sang Banga.
Ginpahayag ni Lieutenant Colonel Zandro Alvez, Commander of 5th Special Forces Battalion nga ang 2 ka anay rebelde ang kabahin sang Yunit Milisya ng Bayan sa diin ginsungka sang mga ini ang ila nga mga armas nga ginalakipan sang 7.62mm L1A1 SLR Rifle kag Cal.30mm M1 Carbine Rifle, one (1) magazine, kag ammunition samtang ang duha ka iban pa ang kabahin sang Platoon Brigol sang guerilla front 73, Far South Mindanao Region, sa diin gin sungka sang mga ini sang isa ka Thompson, Caliber .45; one Rifle, Carbine M1, kag isa ka anti-personnel mine ukon Improvised Explosive Device (IED).
Gindayaw naman ni Major General Roberto Capulong, Acting Commander sang 6th Infantry Division kag Joint Task Force Central ang naangkon nga kadalag-an sang mga kasundaluhan bangud sa epektibo nga pag edukar sang mga ini kag pagpangganyat sang mga anay rebelde nga magbalik sa sabak sang gobyerno.
