KORONADAL CITY – Patay ang Barangay Chairman sang Barangay Tamotaka 1 siyudad sang Cotabato kag tatlo pa ka mga kaupdanan sini sa natabo nga pagpang-ambush ala-1;30 kaina sang hapon.
Ginkilala ang mga napatay nga sanday Barangay Chairman Mukamad Pasawilan nga nag-angkon snag madamo nga igo sang bala sa iya lawas, Barangay Kagawad Unting Manisi kag ang bata sini nga si Boy Ali Manisi nga isa ka barangay tanod kag isa pa ka tanod nga ginkilala kay Andi Manisi.
Sandig sa report, ginluthang ang mga biktima sa Datu Omar Road sang nasambit nga barangay sang riding in tandem suspek nga armado sang matag-as nga kalibre sang armas luthang.
Dako naman ang pagpati sang mga residente sa lugar nga mga hired killers ang nagpatay sa mga biktima.
Gindala pa sa hospital sanday Boy Ali Manisi kag Andi Manisi apang ginbawian sa gihapon sang kabuhi.
Sa subong, nagapadayon pa ang imbestigasyon sang kapulisan agud nga hibaluon ang motibo sang krimen kag ang identity sang mga suspek.
Top
