AMPATUAN, MAGUINDANAO – Napatay sa nagapadayon nga engkwentro sang Philippine Army kag local terror groups ang isa ka ustadz ukon preacher sang suno pa ISIS-sympathizer group sa engkwentro sang Philippine Army kagt Dawlah Islamiyah Group sa probinsya sang Maguindanao.
Ginkilala ang mga napatay nga sanday Ustadz Kamaruh kag mga kaupdanan sini nga ginkilala lamang kanday alyas Samin kag Rida nga mga miyembro sang Dawla Islamiyah Karialan Faction.
Napatay man sa engkwentro ang suldado nga si Sgt. Irvin Alberastine sang 57th Infantry Battalion.
Sa interbyu sang Bombo Radyo Koronadal kay Western Mindanao Command spokesperson Major Arvin Encinas, nagbakwit man ang mga apektado nga pamilya bangud sa nasambit nga engkwentro.
Base sa report, pakadto ang mga kaupod ni Sgt. Alberastine sa area sang Tapuayan makaligad nakabaton sang report sang presensiya sang mga armadong grupo sang gin-ambush sila sang Dawla Islamiyah.
Dugang ni Encinas nga magapadayon ang ila mga operasyon batok sa mga lawless terror groups partikular na sa ila nasasakupan.
