KORONADAL CITY — Nagapadayon ang imbestigasyon sang mga otoridad sa pagpangluthang-patay sa apat ka indibidwal alas-10 ng kagab-i sa Yuarata residence sa Purok 5 Luayon, Barangay Dumadalig, Tantangan South Cotabato.
Ginkilala ang mga biktima nga sanday: Jerry Tabamo Yuarata, yara sa husto nga edad, may-asawa kag isa ka mangunguma ; Argie Villas Villorente, may asawa kag isa man ka mangunguma;Marcelo Barnachea Combiz, legal age, kasado kag isa man ka mangunguma ; Ronald Orin Vallespin, yara sa legal nga edad, kasado kag residente man sang nasambit nga lugar. Samtang ang pilason ang ginkilala nga si Freddie Reyes Tabamo, 47 anyos kag residente man sang nasambit nga lugar.
Naguwa sa imbestigasyon sang mga otoridad nga nagainom ang mga biktima sa nasambit nga lugar, partikular sa puluy-an ni Maron Yuarata.
Apang, hinali nag-abot kag nagsulod sa ila ugsaran ang isa ka suspek nga may bitbit nga 5.56mm Rifle/Armalite kag ginpaulanan sang bala ang mga biktima.
Target suno pa sang pagpangluthang si Jerry Tabamo Yuarata nga napatay matapos maigo sa ulo samtang gindalahig pa sa pagpatay ang mga kaupdanan sini nga nagainom.
Matapos ang pagpangluthang, madasig nga nagpalagyo ang suspek padulong sa wala mahibaluan nga direksyon. Narekober gikan ssa crime scene ang 37 basyo sang bala sang 5.56mm Rifle/Armalite kag ginturn-over sa Provincial Forensic Unit para sa ballistics examination.
Ginabulong naman sa hospital ang pilason nga biktima Padayon man ang imbestigasyon sang Tantangan Municipal Police Station kag South Cotabato Provincial Investigation Unit sa identity sang suspek kag motibo sa krimen. Hustisya naman ang ginasinggitan sang pamilya sang nga biktima.
