KORONADAL CITY- Ginkumpirmar ni 6th Infantry Division Philippine Army spokesman Major Arvin Encinas nga nakapagkit na sang apat nga patay sa bahin sang Bangsamoro Islamic Freedom Fighters ukon BIFF sa ila ginpatigayon nga focused military operations partikular na sa Sitio Munkas, Brgy. Malingao, Shariff Aguak, Maguindanao.
Nahibaluan nga nakaangkon sang engkwentro sa tunga sang BIFF-ISIS inspired group nga ginapamunuan nanday kumander Bungos kag Abu Misry Mama kun sa diin apat ang kumpirmado nga patay kag narekober man ang mga first aid kits, high-powered firearms, bomba kag iban pa nga mga war materials sang mga terorista sa ila ginahimuan sang mga armas.
Kaangot sini dako naman nga kawad-an sa BIFF ang pagkarekober sang ila armory ilabi na nga naga huyang nga nagahuyang na ang ila nga grupo.
Samtang nagapadayon naman ang clearing operations sang militar sa lugar kag nagapadayon ang paglagas sa iban pa nga mga pilason nga kaupdanan sang mga ini.
