KORONADAL CITY – Natalana nga pasakaan sang nagakaigo nga kaso ang apat ka miyembro sang drug group nga nadakpan sa ginpatigayon nga operasyon sang mga otoridad sa Brgy. Bulod, Sultan sa Barongis, Maguindanao.
Sa interbyu sang Bombo Radyo Koronadal kay CIDG-BARMM head Police Col. James Gulmatico, nadakpan ang mga suspek sa ginpatigayon nga operasyon sang gintingob nga pwersa sang 33rd Infantry Batallion, CIDG BARMM, 2nd Mech Company, 43rd SAC, kag 4th SAB.
Ginkilala naman ang mga suspek nga sanday Teddy Biang na lider ng Biang Criminal Drug Group, mga tinawo sini nga sanday Albehi Biang, Morsid Samal kag Siong Biang.
Suno kay Gulmatico, nadakpan ang mga ini makaligad ang nagluntad nga engkwentro sa Datu Piang kag nagpalagyo sa Brgy. Bulod.
Nakuha naman sa posesyon sang mga ini ang mga nanari-sari nga mga armas kag mga drug paraphernalia, kalakip na ang drug money nga nagabalor sang P328,000.
Sa subong nakakustodiya na ang mga suspek sa CIDG-BARMM.
