-- ADVERTISEMENT --
KORONADAL CITY – Nagapadayon ang imbestigasyon sang mga otoridad sa pagkarambola sang apat ka mga salakyan sa national highway atubangan lamang sang Polomolok Water District sa Barangay Poblacion, Polomolok South Cotabato pasado ala-1 subong nga hapon sang Biyernes.
Sa inisyal nga imbestigasyon ginainvolbaran ang karambola sang isa ka armored car, kotse, pick-up truck kag tricycle.
Suno sa mga nakakita, ang armored car ang una nga nagbunggo sa kotse tubtob sa nadalahig ang duha ka iban pa nga salakyan.
Gilayon naman nga gindala sa pinakamalapit nga balay-bululngan ang mga driver sang salakyan kag pasahero sang mga ini.
Ginahibalo pa ang rason sang pagkarambola sang nasambit nga mga salakyan.
