KORONADAL CITY – Tigayon na nga gin-relieve sa pwesto ang 4 ka mga pulis nga naka-appoint sa ginkwatan nga Community Police Assistance Center ukon COMPAC sa banwa sang Tupi, South Cotabato sang nakaligad nga Abril 20.
Suno kay Police Colonel Joel Limson, Police Provincial Director sang South Cotabato PNP, temporaryo nga ginbalhin ang 4 ka mga pulis sa provincial headquarters.
Tinutuyo sang pagrelieve sa PNP Personnel agud nga mahatagan sang ligwa ang ginapatigayon nga imbestigasyon angot sa natabo nga pagpangawat sa ila nga COMPAC sa Brgy Poblacion sa nasambit nga banwa.
Nagresulta suno pa ini sa shoot out nga ginkapatay sang suspek nga si Reylan Katag, 20-anyos, estudyante kag residente sang Sitio Bunawan, Brgy Polonuling, Tupi makaligad suno pa nga nagpakatig-a nga magsungka kag nagbato sa mga kapulisan.
Nahibaluan nga ginhana suno pa nga kawatan sang suspek ang mga armas kag bala sa sulod sang COMPAC.
Sa karon, nagapadayon pa ang imbestigasyon sang PNP sa nasambit nga insidente kag ginahibalo man kun may kawad-an ang nasambit nga mga pulis makaligad nga maka-angkon sang kinalain halin sa una nga report kun ikumparar sa matuod nga natabo.
