KORONADAL CITY- Yara na sa kustodiya sang mga otoridad ang mga suspek nga ginapatihan nga may kaangtanan sa vote buying activities sa Brgy. New Kalibo, Mlang NoCot.
Suno sa Mlang PNP nga 4 ka mga suspek ang naarestar nga ginkilala kanday Sonny Dafielmoto Pasquin, 55-anyos kag Joel Forden Bolero, 54-anyos nga lunsay residente sang Barangay New Rizal, Mlang, North Cotabato kag lider suno pa sang Simbahang Katoliko ukon Kaabags
Samtang ang 2 pa ka mga suspek amuh sanday Mateo Cabrillos Cuateros, 52-anyos kag Christine Punzalan Esparagoza, 33-anyos lunsay residente sang Barangay Poblacion, Carmen, North Cotabato.
Narekober sa mga suspek ang cash nga P206,600 nga cash kag 2 ka papel nga may listahan sang mga botante nga may pirma kag mga campaign materials para sa mag amay nga gubernatorial candidate nga si Roger Talinio kag vice gubernatorial candidate Emmylou Talinio Mendoza.
Sa karon nagapangatubang sa kaso nga violation of election laws on vote buying kag disobedience to persons in authority ang mga suspek makaligad nga nagpamalibad nga magpanaog sa salakyan nga ginharang sang PNP.
