-- ADVERTISEMENT --
Naglambot na sa 4.36 million ang numero sang mga bag-o nga botante nga nagparehistro sa Commission on Elections humalin nga ginbuksan ang voter registration sang Pebrero.
Kadam-an sa bag-o nga botante ang kababainhan nga naglambot sa masobra 2.2 million samtang 2.1 million naman ang mga lalaki.
Nagapabilin ang CALABARZON Region (R4A) nga may pinakamadamo nga bag-o nga mga botante.//Ginsundan ini sang National Capital region nga may 603,496 registrants.
Nagapabilin naman ang Cordillera Administrative Region (CAR) nga may pinakanubo nga numero sang bag-o nga botante nga yara lamang sa 57,709.
Ginpaathag ni Comelec spokesman John Rex Laudiangco, ang Cordillera ang may pinakamanubo nga populasyon ikumparar sa iban pa nga mga rehiyon sa pungsod.
