KORONADAL CITY-Naglab-ot sa P3 milyon ang damyos sa naglunatd nga sunog sa bahin sang Kalawag III, Isulan, Sultan Kudarat nga “Suns Marketing” nga ginapanag-iyahan sang isa ka Lisa Sy, 36 anyos kag residente sa nasambit nga lugar.
Ini ang ginpahayag ni FO3 Paterno Frias, Chief Investigator sang BFP Isulan.
Suno kay kay Frias, naglab-ot sa 4th Alarm ang sunog kun sa diin ginrespondehan sang mga BFP Isulan, Bagumbayan, Esperanza, Tacurong mangin ang duha ka Firetruck kag sang isa ka Mall sa Koronadal.
Sa subong yara sa out of town pa ang Alkalde sa lugar kag ginahibalo pa kun may igahatag nga bulig ang local nga gobyerno.
Nahibaluan nga wala pa sang ginpaguwa nga inisyal nga report ang BFP Isulan kun ano ang nangin rason sa sunog bangud sa madamo nga anggulo ang ginalantaw sa nagluntad nga sunog nga nag-umpisa suno pa sa styro foam section sa ground floor.
