Ginsungka sa militar ang nagalab-ot sa 38 ka mga armas nga panggyera sa Maguindanao del Sur.
Suno kay Lt. Col. Udgie Villan, pinuno sang 33IB, ginbaton nila ang nasambit nga mga ginsungka nga armas kaupod ang iya mga Company Commanders kag mga Municipal Leaders sa banwa sang Shariff Aguak, Datu Abdullah Sangki, Sultan sa Barongis, Mamasapano kag Radjah Buayan para mapauntat ang paglapta sang mga indi lisensyado nga armas.
Ang ginsungka nga mga armas ang ginalakipan sang apat ka RPG, tatlo nag Mortar, tatlo nga M203 Grenade Launcher, isa ka M79 Grenade Launcher, isa ka Carbine, lima ka Cal. 38 SMG pistol, lima ka 9mm Uzi SMG, apat ka 9mm SMG, apat ka Cal. 45 pistol, tatlo ka 9mm KG9 SMG, duha ka 9mm Engram SMG, duha ka 12 Gauge Shotgun kag isa ka Cal. 45 Engram SMG.
Padayon man ang panawagan sang mga otoridad sa mga nagahupot pa sang armas nga isungka ang mga ini agud makalikaw sa kapahamakan.
