KORONADAL CITY– Gin-arestar ang isa ka illegal drugs supplier sa ginpatigayon nga operasyon sang PDEA 12 kag Lambayong PNP sa Poblacion, Lambayong Sultan Kudarat.
Sa impormasyon nga ginpalab-ot sang PDEA 12 sa pagpanguna ni PDEA 12 Director Naravy Duquiatan, nagpatigayon sang buy-bust operation ang mga otoridad batuk kay Suharto Lucman Kusain, 24 anyos, single wala sang trabaho kag residente sang Sultan sa Barongis Maguindanao.
Narekober sa suspek ang 35 ka bloke sang dried marijuana leaves nga nagabalor sang P120,000.
Suno sa suspek naghalin sa Pikit, North Cotabato ang mga ginabaligya sini nga dried marijuana leaves.
Sa karon nakatalana naman nga pasakaan sang kaso nga paglapas sa R A 9165 o Comprehensive Dangerous Drugs Act of 2002 ang suspek.
