KORONADAL CITY- Magamo na suno pa ang pag-updanay sang mga rebelde kag komunista nga New People’s Army rason ngag nahuna-hunaan sang mga ini nga magsungka nalang sa militar sa banwa sang Magpet, North Cotabato.
Nahibaluan nga ang 34 ka mga NPA members ang nagsungka sa kampo sang 19th Infantry Battalion Philippine Army kun sa diin suno sa mga rebelde wala na ang mga ini nagahangpanay ilabi na ang mga lider sang grupo kag nakaangkon na sang pag-initay bangud sa tunga-anay sang rovolutionary tax.
Dugang pa sa impormasyon nga ginpakigbahin ni Kumander Fidel Sicao,luwas sa di paghangpanay sa revolutionary tax, halos mapatay man ang mga ini sa gutom bangud sa nagapadayon nga opensiba sa ila na militar sa kabukiran sang North Cotabato.
Kadungan sang ila pagsungka ginturn-over man ang nagkalain-lain nga sahi sang armas mga bala kag pampasigabong.
