TUPI, SOUTH COTABATO – Yara na sa kustodiya sang mga otoridad ang isa ka 34-anyos nga laborer matapos maarestar sa ginpatigayon nga drug-buy-bust operation sang kapulisan sa Purok 1, Barangay Bunao, Tupi, alas-9:45 sang gab-i sang Agosto, 2025.
Ginkilala ang suspek sa alyas nga si Johnny, may asawa kag residente man sang nasambit nga lugar.
Nakumpiskar sa suspek ang 16 ka sachet sang ginapatihan nga shabu nga may kabug-aton nga 35 gramo kag ginabulubanta nga nagakantidad sang ₱238,000, kasunod sang isa ka transaksyon sa isa ka pulis nga nagpakuno-kuno bilang poseur buyer.
Nakuha man sa suspek ang pila ka drug paraphernalia kag iban pa nga gamit.
Sa karon, natalana nga pasakaan sang kaso nga paglapas sa Republic Act 9165 ukon ang Comprehensive Dangerous Drugs Act of 2002 ang suspek.
