Opisyal na nga nagtakop sa Rajamangala National Stadium sa Bangkok, Thailand ang 2025 Southeast Asian Games, nga gin-tambongan sang mga atleta humalin sa bug-os nga rehiyon sa closing ceremony.
Sa kabug-usan sang biennial nga kompetisyon, ang host country nga Thailand nakakuha sang 233 ka bulawan nga medalya, 154 ka silver, kag 112 ka bronze, nga may kabug-usan nga 499 ka medalya. Nagtakop naman ang Pilipinas nga may 50 ka bulawan nga medalya, 73 ka silver, kag 154 ka bronze, kag yara sa pang-anom nga pwesto sa likod sang Thailand, Indonesia, Vietnam, Malaysia, kag Singapore.
Samtang, nagserbe nga flag bearer sang Pilipinas si gold medalist kag boxer Eumir Marcial sa closing ceremony. Opisyal man nga ginpasar ang hosting duties sa Malaysia, nga magahost sang 2027 edition sang regional multi-sport event.
