KORONADAL CITY- Nabaton na suno pa ni 33rd Infantry Makabayan Battalion commander ltc. Harold Cabunoc ang subpoena nga ginpadala may kaangtanan sa ginsang-at nga reklamo sa tropa sang 33rd IB kaupod ang 27th IB Philippine Army sa kamatayon sang Tribal Leader nga si Datu Victor Danyan kag 8 pa ka mga myembro sang tribo sa nagluntad nga engkwentro sa Sitio Datal Bonglangon sa Brgy. Ned Lake Sebu South Cotabato.
Suno kay col. Cabunoc, wala sang kamatuuran ang reklamo sang grupo ni Dtau Victor sa Commission on Human Rights kag ginpahayag nga wala sang masaker nga natabo apang ini ang lehitimo nga operasyon batuk sa NPA rebels kag sa grupo ni Datu Victor nga nagdampig sa komunista kag rebelde nga grupo nga nagtukod sang shadow revolutionary government sa nasambit nga lugar agud pabaskugon pa ang pwersa sang NPA.
Samtang nakahanda nila nga atubangon ang anuman nga akusasyon batuk sa militar kag nakahanda man sila ipresentar ang mga dokumento kag pamatuod nga lehitimo ang operasyon kag mga NPA ang mga napatay.
