KORONADAL CITY- Nagapadayon sa karon ang monitoring kag damage assessment sang MDRRMO- Banga South Cotabato, makaligad nga nagdalasa ang isa ka makusog nga hangin nga ginapatihan nga isa ka Ipo-ipo sa pipila ka mga Barangay sa nasambit nga lugar.
Sa interbyu sang Bombo Radyo Koronadal kay Mr. Joseph Franco, MDRRMO sang Banga, South Cotabato, ginpahayag sini nga ang mga apektado nga mga barangay amo ang, Cabuling nga kung sa diin 25 ka pamilya ang apektdao, Barangay El-nonok nga 2 ka pamilya ang apektado, isa (1) sa Barangay Rang-ay kag mangin man sa Barangay San Vicente.
Gilayon naman nga nagresponde ang ila nga talatapan agud masiguro ang kaluwasan sang tagsa ka mga pumuluyo.
Maayo na lamang nga wala sang may napagkit nga casualties o kun mga pilason sa insidente.
Samtang, nagapabilin naman sa evacuation center ang mga pamilya nga apektado.
Gindugang pa sini nga ang LGU Banga, PDRRMO, kag ang Provincial Government ang gilayon man nga naghatag sang bulig sa mga apektado.
Sa karon padayon ang monitoring sa lugar, agud nga mahibaluan kung luwas na ba sila nga makabalik sa ila tagsa-tagsa ka mga panimalay.
