Naaresto sang mga otoridad ang tatlo ka Most Wanted Persons (MWP) sa kaso nga double murder kag attempted murder sa ginpatigayon nga operasyon sang mga otoridad sa banwa sang Roxas, Cotabato.
Suno sa Roxas Municipal Police Station, una nga naaresto sang kapulisan ang ginkilala kay alyas “Tan”, 63, nga residente sang Brgy. Salat, President Roxas, Cotabato, sandig sa warrant of arrest nga gin-isyu ni Hon. Arvin Sadiri B. Balagot, Presiding Judge sang Regional Trial Court branch 17, Kidapawan City.
Bitbit sang mga otoridad ang kapareho nga warrant of arrest, suno nga naaresto ang duha pa ka mga suspek nga sanday alyas “Carlo”, 37-anyos kag si “Payatog”, 58-anyos, nga lunsay mga residente sang nasambit nga Barangay.
Ang mga nadakpan nga suspek ang ginakabig nga No. 8 Regional Level Most Wanted Persons.
PLunsay nakakustodiya na ang mga ini sa kapulisan sang Roxas samtang ginahulat ang commitment order sang korte.
