KORONADAL CITY- May yara sang 3 tutub apat ka mga barangay sa Koronadal City ang luyag nga ipaidalom ang ila nga barangay sa State of Calamity bangud sa tuman nga tag-init nga dala sang El Nino Phenominon.
Ini ang ginpahayag ni Mr. Cyrus Urbano ang City Disaster Risk Reduction and Management Officer sang Koronadal sa interbyu sang Bombo Radyo Koronadal.
Suno sa iya, apektado ang Koronadal sang dry spell apang indi gid ini malala bangud padayon man sila nga naga monitor.
Ginpahayag sini nga may yara sang 90% nga posibilidad nga magadugay ang tag init sa lugar, amo nga sila ang padayon nga naga alerto agud nga indi maglala ang sitwasyon labi na sa patag sang agrikultura.
Sa tion nga mauprabahan ang pag deklara sang State of Calamity sa lugar, pwede nila magamit ang pondo nga ginpain para sa kalamidad.
