KORONADAL CITY– Nagpadayon sa karon ang imbestigasyon sang Isulan PNP sa nagluntad nga pagkarambola sang tatlo ka mga salakyan sa bahin sang Mapandi Bridge, boundary sang Isulan kag Esperanza, Sultan Kudarat.
Sa eksklusibo nga interbyu sang Bombo Radyo Koronadal kay Police Lieutenant Colonel Junie Buenacosa, hepe sang Isulan PNP, ang nasambit nga aksidente ang ginakaulamiran sang isa ka Delivery Wing Van nga ginamaneho ni Milo Cabuhay ng Norala, South Cotabato, isa ka Forward Truck nga may karga nga African Palm Fruits nga ginamaneho ni Rene Aporada kag ang Bongo passenger vehicle nga ginamaneho sang isa ka Andal Kalim Usop.
Nahibaluan nga nagkaproblema ang steering wheel sang Delivery Wing Van nga nangin kabangdanan agud nga madulaan ini sang kontrol kag nagbunggo sa ginasugata sini nga Forward Truck kun sa diin nagbunggo man sa likod nga bahin sang Forward Truck ang nagasunod nga pampasahero nga Bongo.
Dead on the spot ang driver sang Forward Truck nga si Aporada samtang pilason naman sanday Usop kag Cabuhay, ginahibalo man kun may mga pilasn man nga pasahero sang Bongo.
