Tatlo sa apat ka tripulante nga sakay sang barko nga Eternity C ang ginbawian sang kabuhi matapos ini ang gin-atake gamit ang drone kag speedboat sa kadagatan malapit sa Yemen.
Kalabanan sa mga tripulante sang barko mga Pilipino kun diin sa 22 nga sakay sang Eternity C, 21 diri ang mga Pilipino samtang isa ang Russian national, suno sa maritime security sources.
Ini nga hapon lamang sang ginkumpirmar sang DFA nga tatlo ka mga Pinoy Seaman ang napatay sa paglugdang sang barko.
Sandig sa mga report, gingamitan sang sea drones kag rocket-propelled grenades gikan sa speedboats ang nasambit nga barko.
Gilayon naman nga naglugdang ang Eternity C. Duha pa ka crew ang napilasan, sandig sa Apsides, ang European Union mission nga nagabulig sa seguridad sang mga barko nga nagaagi sa Red Sea.
Isa pa suno diri ka miyembro sang crew ang napatay samtang yara sa barko matapos ang insidente.
Sa isa naman ka pahayag, nagpanawagan ang Department of Migrant Workers sa mga Filipino seafarers nga gamiton ang ila kinamatarong nga magbalibad magbiyahe sa mga “high-risk, war-like” nga lugar kaangay sang Red Sea, kasunod sang pinakaulihi nga serye sang pag-atake.
Sa karon, ginahibalo ang identity sang mga napatay.
