KORONADAL CITY- Nakabatak subong ang alerto sa banwa sang Aleosan, North Cotabato makaligad ang pagpasigabong sang granada sa Brgy. Bagolibas sang nasambit nga banwa.
Ginkilala ang tatlo ka mga pilason nga sanday Randy Cantomayor 44 anyos, Eleoterio Cantomayor, 65 anyos kag isa ka 13 anyos nga si Genie Cantomayor nga nag-angkon sang pilas halin sa shrapnel makaligad ginhabuyan kag ginpasigabungan sang granada sang isa ka lalaki nga naka motorsiklo ang gintambungan nila nga birthday party.
Gilayon naman nga nagpalagyo sa wala mahibaluan nga direksyon ang suspek makaligad ang pagpasigabong.
Base naman kay Police Captain Arvin Cambang, hepe sang Aleosan PNP, padayon sa gihapon ang paglagas nila sa suspek kag ginahibalo pa ang motibo sang pag atake.
