KORONADAL CITY– Nagapadayon ang imbestigasyon sang Isulan PNP kag BFP Sultan Kudarat matapos ang nagluntad nga sa isa ka boarding house nga ginapanag-iyahan ni Eduardo Relator sa Salem st. Brgy. Kalawag 2, Isulan, Sultan Kudarat.
Sa ekslusibo nga interbyu sang Bombo Radyo Koronadal kay Police Lieutenant Colonel Junie Buenacosa, hepe sang Isulan PNP, ginkilala ang mga napatay nga sanday Sweetzel Mae Natabio, 22-anyos fresh graduate gikan sa Sultan Kudarat State University kag ang mga menor de edad nga sanday Prince Ryan Gillona, 5-anyos kag Julliane Heart Hitalia, 5-anyos.
Nahibaluan nga ang mga napatay ang na-trap sa nagkalain-lain nga kwarto kun diin wala na nasalbar pa sang ila mga himata kag residente sa lugar bangud sa madasig nga pagdako sang kalayo.
Sa subong, isa sa mga ginalantaw nga ginhalinan sang sunog amo ang naka charge nga laptop nga naglupok.
