KORONADAL CITY- Nagtuga sang kabalaka ang pag-ako sang Philippine Drug enforcement Agency ukon PDEA 12 nga nagapabilin sa narcolist ang 3 pangalan sang suno pa mga opisyal gikan sa South Cotabato nga involbado sa ilegal nga droga.
Ini makaligad nga ginkumpirmar ni Christina Cabatingan, Operations Chief sang PDEA 12 nga wala pa makakas ang pangalan sang nasambit nga mga opisyal kag padayon ini nga ginapaidalom sa validation.
Suno kay Cabatingan, wala sila sa position agud nga limpyuhon ang pangalan sang mga involbado bangud nakadepende ini sa Presidente.
Apang, nagpamalibad na si Cabatingan nga ipahayag kun ano ang posisyon sa gobyerno sang 3 ka opisyal nga yara sa ila nga listahan.
Sa subong, ginabantayan na ang igapaguwa sang PDEA Central office nga listahan sang mga involbado sa ilegal nga droga antes ang Barangay kag Sanggguniang Kabataan elections sa May 14, 2018.
