KORONADAL CITY – Nagapreparar ang militar sa posible nga retaliatory attack sang mga miyembro sang lawless group sa Cotabato Province pagkatapos nga ma-neutralize sang AFP-PNP operation ang 2 sa mga ini kag nakuhaan pa sang 5 high-powered firearms sa Brgy. Macabual, Pikit, Cotabato.
Ini ang ginsaysay ni Brigadier General Orly Pangcog, commander sang 601st Brigade, Philippine Army sa interbyu sang Bombo Radyo Koronadal.
Suno pa kay General Pangcog, maghain lang tani sang warrant of arrests sa kaso nga murder kag frustrated murder ang mga otoridad bato sa ila Abdullah Kurdotoy kag Jonathan Kadalem sang una nga nagpalupok ang mga suspek amo nga nahitabo ang mga pagbuslanay sang lupok.
Suno pa kay Pangcog, ang tatlo nga napatay gikilala nga sila alyas “Maano”, alyas “Norman” kag si Alyas “Baganian” nga mga mangunguma kag residente sang Brgy. Macabual, Pikit Cotabato kag kasapi sa Special Geographical Area sang BARMM.
Ginkilala man ang pilasan nga pulis nga si PCpl Eric Saltin Buslayan nga naka-asayn sa 45th SAC, Special Action Force.
Narekober sang mga suspek ang apat ka unit sang highpowered fireamrs paryas sang M16 rifles.
Samtang, dayon na gid nga gintalikdan sang 7 ka mga kaupod sang ekstremista nga grupo ang armado nga pakigbaka pagkatapos sang mga ini magsurrender.
Dugang pa sang opisyal nga nagsurrender ang mga kasapo sang BIFF-Karilan Faction tungod sa gipakusog nga kampanya sang militar kontra terorismo.
Ginsurrender man sang mga ini ang ila nga mga gamit pang gyera paryas sang isa ka M14 Rifle, Garand Rifle, M79 Homemade Grenade Launcher, dalawa ka RPG Launchers, anom ka Anti-personnel RPG ammo, isa ka IED, dalawa ka UXOs (81MM HE at 60MM HE), lima ka Hand Grenades kag tatlo nga Rifle Grenades, pati 40MM HE.
Nakadawat man sang livelihood assistance ang mga nagsurrender nga mga myembro sang BIFF. Padayon ang paghagad sang mga opisyal sa mga nabilin pa nga mga BIFF nga magsurrender man sa otoridad para makapamuhi sang tawhay.
