KORONADAL CITY – Yara na sa kustodiya sang mga otoridad ang tatlo ka myembro sang notoryos robbery group nga nagapatigayon sang operasyon sa nagkalain-lain nga lugar sa Mindanao matapos nga maarestar sang mga otoridad.
Ginkilala ang mga naaresto nga sanday Warren Bito Salie aka “Rapael”, Micahel Manoggal kag Tarhata Tampla aka “Glory Manzano” nga lunsay residente sang Cotabato City.
Suno kay CIDG ARMM Spokesman kag Maguindanao Provincial Field Unit commander Chief Inspector Esmael Madin, ang mga naaresto ang nagapangatubang na sang kaso nga kriminal.
Nakuha sa posisyon sang mga ini ang 3 ka highpowered firearms, mga bala kag nagkalain-lain nga dokumento.
Ginpahayag nga ang tatlo ka mga suspek ang myembro sang Ringlife Robbery/Snatching Group nga madugay na nga ginapangita sang mga otoridad.
Naarestar ang mga ini bangud sa ginpaghugtan nga Oplan Pagtugis kag Paglalansag Omega sang kapulisan sa nasambit nga lugar.
