KORONADAL CITY- Yara na karon sa kustodiya sang mga otoridad ang isa ka Brgy Kapitan kaupod ang 2 pa makaligad nga ginharang sa check point bangud sa pagdala sang indi lisensiyado nga armas.
Ginkilala ni Chief Inspector Joan Resurecsion, hepe sang Alamada PNP ang mga naarestar nga sanday Brgy. Linamunan chairman Badrudin Salibo Kamid, utod sini nga si Datu Ali Kamid, 24-anyos kag upod sini nga si Malat Sapal, 21-anyos nga lunsay residente sang Brgy. Linamunan, Talayan, Maguindanao.
Ayon kay Resurecsion, sakay sang isa ka itom nga Toyota hilux nga may plaka nga A9-I612 ang 3 kag pag-abot sa Purok 8, Brgy Kamansi kun sa diin nagapatigayon sang checkpoint ang PNP kag 34th IB Phil Army sang gulpi na lang suno pa nagpalagyo ang nasambit nga salakyan kag nag-overtake sa isa ka motorsiklo apang napaslawan ini nga makapalagyo makaligad nga macorner sang mga otoridad.
Sang ginpapanaog na sang mga otoridad ang mga sakay sini, diri na narekober ang isa ka indi lisensyado nga cal. 45 pistol, 2 ka magazines kag 9 ka mga bala.
Nahibaluan nga halin suno pa ang mga ini sa ila nga himata sa isa ka Barangay sa nasambit nga banwa.
Magapangatubang naman sa kaso nga paglapas sa RA 10591 ang isa ka Barangay chairman kag mga kaupod sini.
