KORONADAL CITY – Patay ang tatlo ka katapu sang isa ka pamilya makaligad nga mainvolbar sa nagluntad nga aksidente sa bahin sang Barangay Saravia, siyudad sang Koronadal.
Ginkilala ang nasmabit nga mga biktima nga sanday Ariel Cuenca, 31 anyos kag residente sang Brgy. New Lambunao, Tantangan, South Cotabato; live-in partner sini nga si Annabelle kag ang 6-anyos nga bata nila nga si Ariana.
Sandig sa imbestigasyon, gintilawan nga mag-overtake ni Cuenca sa isa ka salakyan sang mabungguan sini sa pihak nga lane ang Ford Ranger pickup nga ginamaneho ni Jadissa Otor nga residente sang Glan, Sarangani Province, rason nga nagtabog ang mga biktima bangud sa kabaskog sang impact.
Gilayon nga gindala sa hospital ang mga biktima apang gindeklarar nga dead on arrival.
Suno naman sa pila ka mga testigo, ginapatihan nga hubog si Ariel sang nagluntad ang aksidente.
