KORONADAL CITY-Nagdugang sa listahan sang 33rd Infantry Makabayan Battalion ang 3 lumads nga nagsungka makaligad wala gintuman sang New People’s Army ang promisa sa ila nga pagahatagan sila sang maayo nga edukasyon katal-os sang pagsulod sa komunista kag rebelde nga grupo.
Ang 3 rebelde nga naghalin sa tribo nga manobo ang ginkilala kanday Ryan Mama 24 anyos, Daniel 25 anyos kag Ruben Pagiloy 21 anyos nga nagpanaog sa ila ginapanaguan sa kabukiran agud pormal nga isungka ang ila mga armas sa gobyerno.
Bukas sila nga ginbaton sang militar sa pagpanguna ni Lt. Col. Harold Cabunoc ang Battalion Commander sang 33rd IB.
Suno kay Ryan nabugtaw sila sa kamatuoran nga wala sang maayo nga matuga sa ila ang pagsulodn sa rebelde kag komunista nga grupo ilabi na nga wala gintuman ni Ka Yoyo nga isa ka Visayan NPA commander ang iya mga promisa sa new recruits sang NPA nga hatagan ang ila pamilya sang palangabuhian kag mahatagan sang edukasyon kag school diploma halin sa mga lisensyado nga mga manunudlo.
Kaangot sini makaligad magsungka ang 3, pagahatagan man sila sang dako nga oportunidad sang gobyerno kun sa diin sila ang pagapa-eskwelahon sa Alternative Learning System (ALS) nga igahatag sang Department of Education.
Luwas sa edukasyon pagahatagan man ang mga ini sang palangabuhian kag igabalik sa sosyodad.
