KORONADAL CITY– Nagapadayon subong ang hugot nga monitoring sang South Cotabato Provincial Disaster Risk Reduction and Management Office sa 3 ka mga banwa sa probinsya nga pinakaginaigo sang tuman nga pagbaha kag amat-amat nga paghumok sang duta nga nagatuga sang landslide.
Sa mga banwa sang Polomolok kag Sto. Niño South Cotabato, padayon ang paghatag sang ayuda sa masobra 150 million nga pamilya nga mga biktima sang tuman nga pagbaha tuga sang mabaskog nga pagbubo sang ulan kada gab-i.
Nahibaluan nga yara sa 50 ka pamilya sa Brgy Poblacion sa Polomolok ang apektado sang pagbaha samtang sa Brgy Panay Sto. Niño yara sa masobra 100 ang nagakinahanglan sang relief goods.
Sa pihak nga bahin sa banwa sang Brgy. Ned Lake Sebu South Cotabato, ginamonitor ang masobra 70 ka pamilya nga ginakahadlukan nga mabiktima sang landslide sa Sitio Tuburan sa nasambit nga barangay.
Nahibaluan nga bangud sa paghumok sang duta, naguba ang isa ka buluthuan kag pila sa mga puluy-an ang di na luwas ang ginagtindugan.
Sa karun padayon ang pagtutok sang ahensya ilabi na sa paghatag sang mas luwas nga maistaran
