Ginkumpirmar ni BI Commissioner Norman Tansingco nga ginbalabagan nga makasulod sa Pilipinas ang tatlo ka Malaysian national matapos nadiskubrihan sang Immigration officers nga plano nila nga maghimo sang anti-government demonstration upod sa iban nga mga supporters ni pastor Apollo Quiboloy.
Apang, ginpahayag sang Malaysian nationals nga gin-imbitar sila sa Davao City sang KOJC pero wala sila sang ebidensya nga magapakita sang ila financial capacity para suportahan ang ila pagpabilin sa pungsod kag gin-ako man nila nga wala sila trabaho.
Isa sa mga pasahero ang nakitaan sang screenshot nga may mga anti-government slogan, pareho sang “BBM Resign,” “Stop KOJC Injustices,” kag “AFP/PNP Protect the People.”
Sang ginpamangkot bahin sa screenshot, nagsiling ang pasahero nga aksidente niya nga nadownload ang mga slogan gikan sa iya social media account.
Sa karon, naka-immigration blacklist na ang tatlo ka Malaysian kag ginbawal na makasulod liwat sa Pilipinas sang Bureau of Immigration..
